iPhoto > Aperture

iPhoto我決定離開你啦......
雖然你都陪左我好幾年，我都覺你進步左好多，但係SteveJob應該明白唔會白白浪費粒intelCoreDuo.....用黎只係行iPhoto存相咁蝕底，自問唔係ProUser，不過對iPhoto真係開始唔夠用。除非我發現到有其他大問題，如果唔係我會義無反顧加入Aperture......用左幾日，開頭真係覺得煩，太多野有點無謂，不過用落開始懂設置，其相片要多作比較上，都會比iPhoto順手，方便好用，再加上係Universal Binary Version 比對上一次係公司試用爽快多左，搵相仲要慢係一件好辛苦既事情。

iPhoto 去 Aperture , iMovie iDVD 去 StudioPro /FinalCut Motion shake.......Apple 一樣一樣由最低慢慢要你易學易用到開始唔夠轉學....其定位係真係用腦諗過....

雖然夠唔夠用就因人而已。

好，都係唔好再講落去....唔係就變左Designer應否學咁多Software等白痴問題......

白玫瑰

不是這日子才會想起你，這些年來一直會夢見跟你一起，是真是假也不去理，反正我想。最近經常找一個朋友聊天，也是同一星座的他倒像你，可能他近來面對的人和事，有點感覺像返回你少年時去做你的朋友幫你一樣。也因為這樣最近令我經常想起你。我想，我是一個很傻的人，這星期忙於整理電腦，無意發現一篇八年前的日記....很感動

這星期心情極不好受，現在才發覺平曰工作，感情上的所謂不快，比起現在的差很遠⋯⋯
受不起絕對是現在我的心情。
每每回家時必經過附近的報紙攤，總會望望，看看找不找著你的背影⋯⋯⋯
一向覺得你並不是那樣堅強，求生意念重的那種人。
當你還清醒時，還對我們說著不打緊⋯⋯直至你躺在病妝睡著時，
不斷說很痛很痛⋯⋯我的眼淚便禁不住的流下來了。

爸爸，己經支持了這麼久，請不要輕易放棄啊！

只懂哭什麼也不會做的兒子
地獄貴公子
　　　　　　　　　　　　　　　　一九九八年八月十八曰

*世界上的第一個父親節在1910年誕生在美國。
人們慶祝第一個父親節，當時，凡是父親已故的人都佩帶一朵白玫瑰，父親在世的人則佩帶紅玫瑰。

懂愛惜現有的是樂事，向我最喜歡的父親說句 父親節 快樂。

Life's too short for the Wrong job!

Client : Jobsintown.de
agency : Scholz & Friends, Berlin

Unfinish Illustration.

經常在電腦畫畫都有個習慣，就由一開始畫都唔會按一下CMD+S.....
當迷頭迷腦畫到 蘋果西瓜波 一出.....啊喲，仆街啦！.......久而久之，都習慣了hang機。
本來快快手畫張放在 茶餐廳部落格....最後只剩下一張相機照作留念*，嘻嘻。

結果唔服氣下，用左兩晚通頂畫果張新！
點知發覺越畫越未見底..感覺又俾想像中差.....看似乎仲要加多兩日，一向都會為每張畫命名先開始，呢張圖連個名都未去諗過就唔停咁做....*
以上幾點倒不如放上Blog，停下手，俾大家公諸同好吧！

按下圖看全幅 :


*舊圖遺照

畫 畫 畫

懶人 終於的起心肝完成了不知多久前放下了的一幅畫，什麼都不去想，畫自己喜歡的實在太好了...還不過是畫女的.......如果只畫女性都可以搵到飽飯夠我食，我想我絕不會做設計，哈哈！


甚小畫日本/亞洲人(除女友外)，感覺硬怪怪的....啊哈哈，一定要特別鳴謝 illbe's Hana....哈哈哈哈。
望盡快可以畫埋餘下的.... 草稿..... 嗯，其實我最想畫 蒼井空........

縮小原圖感覺很差....按圖放大部份吧！

雛菊Daisy

番到黎香港即刻將所以未睇既戲已一日一部盡快睇哂，
係上海走時雛菊仲未上演，無奈等番到香港先睇，番到香港又差唔多落畫，最後要走到去天水圍百老匯先有。特登入到去天水圍睇，主要係俾面郭在容，全知賢，本身一向對無間道導演劉偉強式電影都冇乜感覺。
入場睇左三份一都叫可以接受，一貫郭在容橋段格局，導演想節奏走向韓式，一味識慢，但係冇意思咁慢.......果鏡全知賢靚又慢，果一刻講男主角好辛苦又慢......慢 原全唔係因為俾位觀眾思考，而只係時係候來來回回咁慢掃幾鏡.......本著入場睇韓式浪漫愛情片，經已冇諗過文藝呢隻字，點知越睇越似一部無間殺手片，除在阿姆斯特丹，全知賢都拍得好靚外，全片風格亳不統一，下半段故事更為堆砌而堆砌，堆砌殺手警員之間決鬥，牽強到搵殺手殺自己，為了結一段三角關係而堆砌悲劇愛情，無啦啦又揸支槍互指.......唉，我知啦，無間道導演呀嗎.......俗得驚人！臨尾鄭雨成復仇到姜大衛(點解要搵佢做？益自己友??!!)果段，我經已去到忍受唔住地步，屌左一聲......"不知所謂"....如果部戲係我一個人睇，我諗我走左。

我想問導演為乜要用郭在容？定係咪想用韓片節奏去拍一部無間港產片?係欣賞所以拍番部，定係覺得香港受所以拍呢？

有導演朋友講陳嘉上編劇等人收到雛菊故事後，大為不滿並將下半部大修改.....成為今日大家都滿意到爆既雛菊.....


多謝哂！！！

FinalFantasyXIII

Final Fantasy XIII - PS3
Final Fantasy Versus XIII - PS3
Final Fantasy XIII Agito - Mobile Phones


*鳥山求 Motomu Toriyama

有點意外..... FinalFantasyXIII 由 SQUARE-ENIX 第一開發本部 元老人物 - 鳥山求 Motomu Toriyama 揸期。安慰獎由 野村哲也 負責一雞三味 Final Fantasy Versus XIII
鸟山求 - 此人由FF1做到10.....FFX-2都係出於野村哲也同呢位人兄....嗯...........睇上圖天野喜孝式FFXIII LOGO，當然唔覺有乜野問題，但係睇埋下圖再加埋段E3Trailer....睇完我都唔知睇乜?! 科幻ActionGame? 跟本個TrailerSUPER落是但一隻Game名上去都得，個interface又變左鬼佬Game。 雖然知道條Trailer係應付E3.....但係都唔好咁流好喎!! 呢隻FF黎架.....係fantasy，係幻想呀，唔係科幻呀！



睇完。明哂。我冇失望因為從來冇期望過！
船頭唔掂，都幾難會有一番作為。唉，長大啦 !! SQUARE 溫室英雄們 !!!

聞說地上最強 松野泰己 Yasumi Matsuno，皆叶英夫 Hideo Minaba 經已離開SQUARE加盟左 坂口博信 MistWalker!! YEAH!

狂徒家中擲PSP落網

黑仔日報 今日頭條.....

被害人:PSP
原告:女朋友
被告:本人

本月八日一名年約三十歲中國籍男子在南浪海灣家中因臭脾氣燥狂發作誤殺其女友部PSP.....被害人面部爆裂當場死亡，昨日原告在家中發現被害人時經已返魂無術......

被告聲稱近日相當黑仔，情緒一度底落，計有5千4百元長途電話費，稅局官員追擊，再有發現誤殺PSP等罪名......
因被告犯下滔天惡行現收押家中不得保釋外出。


*圖為 被害人凶案現場

Apple - ThousandsEyes

抵死Get a Mac - TV Advs

Apple's all-seeing screen

Barry Fox 又有驚喜，呢次蘋果新專利係將近千個影像感應器作為Display上pixels，聽落好科幻下，聞說使用者可以從何種角度，都可以正視其中一個感應器...相反同時感應到使用者觀察螢幕上那一個位置。諗到呢到經已好有趣......而SteveJob股東大會題到開發有生以來最有的東西

"The new products in the pipeline are the best I’ve ever seen in my life."

嗯，雖然真身VideoPod因電量問題而延期，但以上消息足以叫人期待。

聽聞蘋果今個月還會ship intelMacs Final Cut Pro, Shake,Aperture.....嗯，用途唔大.....都係快快手叫Adobe出intelMacsCS3實際點....而BootCamp雖然好引誘，望望我的MacBook，仲未藉口要裝！

A ChangingLife.....

終於番香港啦！嘿，除左自己屋企外，竟然樣樣唔慣，原來上海係咁好........
女友都走左上黎上海玩左一個星期陪我，他他條條又一齊番香港。

近來身邊絕大部份朋友無論工作，感情，生活都起好大變化
相信到六七月身邊朋友轉工既轉工，都應該轉得七七八八.....傾掂數又係大執位時候。無論好與壞，都希望佢地可以開開心心去面對。
反之自己......嗯，其實問心點做都可以，只係年紀開始大要學懂選擇。

設計人往往都係為理想同生活之間抉擇
想更好生活定係更接近理想？

為此，去上海前由朋友介紹一位神算，心大心細走左去睇睇，其他先唔講住師父話我命宮有三粒貴人星，超多果隻.....(發達，唔使做?)實情又唔係喎，師父只係話一生每個時段都會有貴人照住，而我既責任就係將呢的福氣帶俾身邊一齊揾食既兄弟朋友，公司.......(幫人搵錢命...咁，濕濕腳都有掛？)仲話我會行二十年工作運到五十歲，仲要成世都係搵呢行飯食(唔使啦掛......) 去邊到做就旺邊到.... (下，咁咪成世打工?) 咁又唔係喎....師父話只要同人合股，只要係繼續幫人搵錢(笑)...而家經已係好時候.....嗯.....

盡管最後事情不如我所願，大概都會照自己意思去行吧
是迷信也好，是時候也好。

這個世界就是這樣....

要當遊戲的主角，就一定要冒險的。
沒有遊戲的主角不用冒險吧？

*普通話進步不小，連Singlish也是(爆!!) 月中會上一上北京，仲未知留幾耐，順道可以去探下Adam係北京production team，之後再返落上海。

dodolook.

當自己冇乜心情，悶悶地，我有個好low既方法令自己開心Ｄ精神Ｄ.......
哈哈，我會睇dodolook
無論睇幾多次都好..... 都可以令個人心情都會番返黎，有時做人真係簡單，呵！

*家下連個人blog背後都有agency同production backup.....
唔係講笑做得中絕對鐘有效過上電視！

給瑗瑗 公開的情書

想寫下詩一般的文
一向不懂表達感覺
世界太大 憧憬太多
怕說多做小收不回
明白纏戀不等如可以守護情感
可任意忘了對夢想的渴望多好
人不能只活在一瞬剎那的懷抱

分開其實不遠 只是時間可能走得太慢
忐忑期待在測試我們

如果是一種味覺，這滋味叫酸

相信我們是註定
是意外不用考驗
知道明天路更長
就讓我們默契做畫筆
描繪明天我倆的模樣
讓這畫板證明我們

還有好多好多的話要說
還有好多好多的圖畫


我們要忍住眼淚

谷歌

Google 中國副總裁李開復、周韶寧 發布了
Google 中文名稱為 谷歌。
報導說取其 山谷之歌 之意...

當初還以為會用上 孤高／孤傲 等名稱....

Shanghai. 一

一黎到上海兩日足不出戶留係阿斌屋企趕完個website俾客approve,
好耐都冇掂過酒店網頁。首次跟bernie合作的是PAN PACIFIC SINGAPORE HOTEL 過程尚算滿意，還好尚有兩星期去製作，該順順利利吧。

到第三日終於得償所願有機會出去亂逛，扮遊客觀光下，對一個十幾年來冇番過內地既人黎講，就算亂逛亂走每一樣事情都係新鮮古怪，上海。一個氣溫好舒服但係空氣質素比較差既城市。由於大霧關係，係塵係霧定係廢氣??周圍都好似蒙住霧般，遠景模糊，無論晨早定黃昏，色溫總是被染過的，灰了一層....其實我覺得好靚！加上所到的大部份主要路都種有白洋樹在兩旁(是否真的叫白洋樹??) 感覺好浪漫的。

黎旅行影相的話真不錯。(我其實是來旅行還是工作的？大概到呢一刻還未清楚........)

雖然上海感覺沒有想像中的進步，人也比較喜歡思考，經常留意店內的人在發呆，午飯時段看著幾個店員呆滯望住各自各的一個地方，像 路電視般，他們的空閑的時間想是過多，同時也有好多喜歡在街上呆坐。雖算不上討厭，不竟是個三千萬人口的大城市，這裡有文化的人和事倒算多，只是教育太小人太窮，相對起香港無意義的教育更多文化也更小 (香港!!?? 八卦雜誌就多，慶幸上海並沒這一類東西的)。貧富懸殊差距到令人覺得恐佈，香港的貧富懸殊簡直不能並論。整個城市價值好像亂來。怎可能想像一客小籠包只是三個半RMB，一餐飯才不過十蚊，一條朱古力要花十幾蚊，入口貨問題？年青的大多物慾知識過大，收入卻原地踏步。

你的一個月薪金會是令一個人的兩年人工...幾個人去靜安寺一帶食個飯閑閑地可以係人家一個月工資，上海人的傲，外資的富，國內的窮，顯得人特別卑微....我並沒有太多同情的思想，只是不太喜歡這樣的生活，感覺跟賺月入幾萬在大陸北上豪駛沒有兩樣。

早陣子認識了兩個法國失業Designer(笑！) 人家也是窮得要命，感覺卻是完全兩樣，學臭貓話：香港人就只不過是見識比國內人多而已.......

*原來係 法国梧桐树。

Airport 5pm : hongkong to shanghai

等候上機的一刻，在兩小時飛機寫下的一篇......

*原文最後還是被我砍了....哈，經常有太多零零星星的事想說，由於通常一開始寫blog都是point form關係，往往都要再花時間去整理。再加上懶打字，最後都係不了了之...還是當這裡是事記和貼相算了。

多謝阿be送機，我們還是好好定下我們的旅遊計劃吧！！

聽聞上海係上唔到blogspot,當然你見到呢篇blog,我經已搞掂左個proxy server,不過都幾煩，要自由，係要代價的。