天野喜孝 Amano Yoshitaka

Kunstverein Heilbronn - 2004 Germany

近年對天野老師的作品經已沒有像從前般狂熱，以前相信老師百分之八十的畫冊包括會場展覽版本也會一一購入，貴公子也有幸在日欣賞過老師兩次畫展，難忘也感動。難忘是他的畫值天價......也可以分期供。他的畫用色有像注入魔法，喜歡畫女性的他其眼神最為特別，也喜愛他的幻想，怪誕的用色組合，花紋，也很像Klimt Gustav＊，...笑。初接觸天野喜孝時也是在舊大丸買下他的畫冊後而得知他所畫的是FinalFantasy人物而迷上至今。自零零年後老師從畫Gatchaman和注重搞藝術後便小有留意。今早才知道老師早星期前專程來港準備首個香港藝術展覽,錯過了。八月再臨又一城。相信到時貴公子也會經常出沒又一城。

1001 Nights - 1998 Los Angeles

開畫展跟搞藝術在個人而言是有一段距離，雖然老師的作品大多離不開是商業活動，為 遊戲客戶，小說，動畫背景作業，在畫展裡會讓人感受到藝術創作者鍾情於自己的世界默默耕耘的一種表示，相對近年老師在盧森堡和日內瓦的，感覺像是在搞藝術... 雖未至於像村上隆般討厭，大師還始終是大師但已失去了畫味。期望"天野の眼"會讓我從拾當年感覺。

現今搞藝術的展覽/書籍 特別在團體型式集結的，推崇個人演繹大氣候下可欣賞角度經已越來越小，還總會有些潮流衛道喜歡標奇立異令你一世難忘的作品。個人雖並不反對，不過只是有感浪費地方/版位供人公開自慰塗鴉而已。

＊初中時代迷上過他，當年除了會儲馬榮成的中華英雄外還會儲錢買他的書之一，還想看看Klimt的作品發現家中一本他的書也沒有了，該是搬家時遺失。

iTunes CoverFlow

*click picture for view video

呢件野好盞鬼下，雖然未至於好實用，不過望住隻碟黎搵歌聽硬係開心過睇playlist.... 最好蘋果食埋呢個功能入去iTunes再加埋sorting...就一流啦..

有興趣可以Download落黎用下。
DOWNLOAD HERE : http://www.steelskies.com/coverflow/download.php

のんのん

近排發瘟迷上動畫型仲要係 美 少 女 系 Figure 加 Keroro.....

敷淺貴公子 經常被 清高好友 笑越黎越電車。

早兩個月買左隻美少女系Figure(原本屋企係spwan系......勁唔夾，嘻)。貴公子覺得手工一流，後來發現原型師係 吉沢光正。後來再發現原畫師為 ValkyrieProfile 2 山下し先生新作之一。Figure尚未出，隻手經已忍唔住要畫。
好唔好畫呢? 畫左唔俾人睇? 用番自己一向果一套畫法又覺唔夠味......定係盡情日向電車.....其實唔係幾接受到自己畫日向動漫風格，思前想後.......

のんのん

* のんのん Orignal character Design by 山下し，Figure Model by 吉沢光正。

其實風格唔重要，能夠放開自己去接受新事物同實行，先係自己要嘗試既事。

入左 邊個執波??

Credits:

Title: GOAL Country: BRAZIL
Advertiser: ESPN BRASIL
Advertising Agency, City: DUDA PROPAGANDA, Sao Paulo
Creative Director: Fabio Victoria/Marcelo Kertsz/Ricardo Braga
Copywriter: Gustavo Barcellos
Art Director: Marcelo Maia

有必要嗎？

今年Mac走勢強橫得很。成個上半年通通都係蘋果話題，三十年果然唔同，唔計軟野，下半年仲有一大堆貨.....

Leopard, intel FlapShip Desktop,VideoPod,年尾iTalk/Phone.....

SteveJob 8月7 WWDC 曬Leopard.估計會有一定程度改動，Dock, Safari, bootcamp, 狂熱蘋果如我最感興奮。所以Vista 延期係有原因.....(笑)呢邊正等待果邊DGP利用三維界面大玩拖拽圖標立體化，過癮就過癮不過正宗好睇唔好食... OS.Interface 唔同NDS 一味玩盞鬼唔實用好難longlasting ...始終都係上年DoCoMo 3D interface做得比較有意思。

YouTube - DGP Demo 3D OS
DGP - The University of Toronto's Dynamic Graphics Project
Update.
*OSX 10.4.7 Update
Support RightClick (2finger) on MacBookPro/Macbook
*FlashPlayer 9 (non-intelMacs User Only.....shit )

爆炸DELL

原來Laptop係真會爆炸......
曾經有位大叔同我講過放工要熄電腦.....如果唔係會火燭，爆炸等等....燒埋成間公司.......當時我敷淺唔信.....

連日本國會都會有電腦爆炸，我而家知係真事。
不過我都係唔會熄電腦，因為我唔係用Dell........

*仲有幾篇舊文...漬埋漬埋係哂draft要快快手post哂佢!

Pink.

自從收到illbe 發送過黎一個日本illustartor作品後，感受好深，雖然風格重遊戲漫畫味但一樣美不勝收，令我整個星期在想自己的欠了什麼？
想了很久，大概是收放問題執著太多，細位有時也太多了....... 突然想將正在作的兩張放下，澈頭澈尾去嘗試過一張新的。說不定會令原本未完成的有所改變。雖然今個星期開始會忙死，不過我太清楚自己啦，唔俾我畫埋佢，會仲腌悶落去，倒不如....嗯


*原畫為黑白

iPhoto > Aperture

iPhoto我決定離開你啦......
雖然你都陪左我好幾年，我都覺你進步左好多，但係SteveJob應該明白唔會白白浪費粒intelCoreDuo.....用黎只係行iPhoto存相咁蝕底，自問唔係ProUser，不過對iPhoto真係開始唔夠用。除非我發現到有其他大問題，如果唔係我會義無反顧加入Aperture......用左幾日，開頭真係覺得煩，太多野有點無謂，不過用落開始懂設置，其相片要多作比較上，都會比iPhoto順手，方便好用，再加上係Universal Binary Version 比對上一次係公司試用爽快多左，搵相仲要慢係一件好辛苦既事情。

iPhoto 去 Aperture , iMovie iDVD 去 StudioPro /FinalCut Motion shake.......Apple 一樣一樣由最低慢慢要你易學易用到開始唔夠轉學....其定位係真係用腦諗過....

雖然夠唔夠用就因人而已。

好，都係唔好再講落去....唔係就變左Designer應否學咁多Software等白痴問題......

白玫瑰

不是這日子才會想起你，這些年來一直會夢見跟你一起，是真是假也不去理，反正我想。最近經常找一個朋友聊天，也是同一星座的他倒像你，可能他近來面對的人和事，有點感覺像返回你少年時去做你的朋友幫你一樣。也因為這樣最近令我經常想起你。我想，我是一個很傻的人，這星期忙於整理電腦，無意發現一篇八年前的日記....很感動

這星期心情極不好受，現在才發覺平曰工作，感情上的所謂不快，比起現在的差很遠⋯⋯
受不起絕對是現在我的心情。
每每回家時必經過附近的報紙攤，總會望望，看看找不找著你的背影⋯⋯⋯
一向覺得你並不是那樣堅強，求生意念重的那種人。
當你還清醒時，還對我們說著不打緊⋯⋯直至你躺在病妝睡著時，
不斷說很痛很痛⋯⋯我的眼淚便禁不住的流下來了。

爸爸，己經支持了這麼久，請不要輕易放棄啊！

只懂哭什麼也不會做的兒子
地獄貴公子
　　　　　　　　　　　　　　　　一九九八年八月十八曰

*世界上的第一個父親節在1910年誕生在美國。
人們慶祝第一個父親節，當時，凡是父親已故的人都佩帶一朵白玫瑰，父親在世的人則佩帶紅玫瑰。

懂愛惜現有的是樂事，向我最喜歡的父親說句 父親節 快樂。

Life's too short for the Wrong job!

Client : Jobsintown.de
agency : Scholz & Friends, Berlin

Unfinish Illustration.

經常在電腦畫畫都有個習慣，就由一開始畫都唔會按一下CMD+S.....
當迷頭迷腦畫到 蘋果西瓜波 一出.....啊喲，仆街啦！.......久而久之，都習慣了hang機。
本來快快手畫張放在 茶餐廳部落格....最後只剩下一張相機照作留念*，嘻嘻。

結果唔服氣下，用左兩晚通頂畫果張新！
點知發覺越畫越未見底..感覺又俾想像中差.....看似乎仲要加多兩日，一向都會為每張畫命名先開始，呢張圖連個名都未去諗過就唔停咁做....*
以上幾點倒不如放上Blog，停下手，俾大家公諸同好吧！

按下圖看全幅 :


*舊圖遺照

畫 畫 畫

懶人 終於的起心肝完成了不知多久前放下了的一幅畫，什麼都不去想，畫自己喜歡的實在太好了...還不過是畫女的.......如果只畫女性都可以搵到飽飯夠我食，我想我絕不會做設計，哈哈！


甚小畫日本/亞洲人(除女友外)，感覺硬怪怪的....啊哈哈，一定要特別鳴謝 illbe's Hana....哈哈哈哈。
望盡快可以畫埋餘下的.... 草稿..... 嗯，其實我最想畫 蒼井空........

縮小原圖感覺很差....按圖放大部份吧！

雛菊Daisy

番到黎香港即刻將所以未睇既戲已一日一部盡快睇哂，
係上海走時雛菊仲未上演，無奈等番到香港先睇，番到香港又差唔多落畫，最後要走到去天水圍百老匯先有。特登入到去天水圍睇，主要係俾面郭在容，全知賢，本身一向對無間道導演劉偉強式電影都冇乜感覺。
入場睇左三份一都叫可以接受，一貫郭在容橋段格局，導演想節奏走向韓式，一味識慢，但係冇意思咁慢.......果鏡全知賢靚又慢，果一刻講男主角好辛苦又慢......慢 原全唔係因為俾位觀眾思考，而只係時係候來來回回咁慢掃幾鏡.......本著入場睇韓式浪漫愛情片，經已冇諗過文藝呢隻字，點知越睇越似一部無間殺手片，除在阿姆斯特丹，全知賢都拍得好靚外，全片風格亳不統一，下半段故事更為堆砌而堆砌，堆砌殺手警員之間決鬥，牽強到搵殺手殺自己，為了結一段三角關係而堆砌悲劇愛情，無啦啦又揸支槍互指.......唉，我知啦，無間道導演呀嗎.......俗得驚人！臨尾鄭雨成復仇到姜大衛(點解要搵佢做？益自己友??!!)果段，我經已去到忍受唔住地步，屌左一聲......"不知所謂"....如果部戲係我一個人睇，我諗我走左。

我想問導演為乜要用郭在容？定係咪想用韓片節奏去拍一部無間港產片?係欣賞所以拍番部，定係覺得香港受所以拍呢？

有導演朋友講陳嘉上編劇等人收到雛菊故事後，大為不滿並將下半部大修改.....成為今日大家都滿意到爆既雛菊.....


多謝哂！！！

FinalFantasyXIII

Final Fantasy XIII - PS3
Final Fantasy Versus XIII - PS3
Final Fantasy XIII Agito - Mobile Phones


*鳥山求 Motomu Toriyama

有點意外..... FinalFantasyXIII 由 SQUARE-ENIX 第一開發本部 元老人物 - 鳥山求 Motomu Toriyama 揸期。安慰獎由 野村哲也 負責一雞三味 Final Fantasy Versus XIII
鸟山求 - 此人由FF1做到10.....FFX-2都係出於野村哲也同呢位人兄....嗯...........睇上圖天野喜孝式FFXIII LOGO，當然唔覺有乜野問題，但係睇埋下圖再加埋段E3Trailer....睇完我都唔知睇乜?! 科幻ActionGame? 跟本個TrailerSUPER落是但一隻Game名上去都得，個interface又變左鬼佬Game。 雖然知道條Trailer係應付E3.....但係都唔好咁流好喎!! 呢隻FF黎架.....係fantasy，係幻想呀，唔係科幻呀！



睇完。明哂。我冇失望因為從來冇期望過！
船頭唔掂，都幾難會有一番作為。唉，長大啦 !! SQUARE 溫室英雄們 !!!

聞說地上最強 松野泰己 Yasumi Matsuno，皆叶英夫 Hideo Minaba 經已離開SQUARE加盟左 坂口博信 MistWalker!! YEAH!

狂徒家中擲PSP落網

黑仔日報 今日頭條.....

被害人:PSP
原告:女朋友
被告:本人

本月八日一名年約三十歲中國籍男子在南浪海灣家中因臭脾氣燥狂發作誤殺其女友部PSP.....被害人面部爆裂當場死亡，昨日原告在家中發現被害人時經已返魂無術......

被告聲稱近日相當黑仔，情緒一度底落，計有5千4百元長途電話費，稅局官員追擊，再有發現誤殺PSP等罪名......
因被告犯下滔天惡行現收押家中不得保釋外出。


*圖為 被害人凶案現場