To be or not to be?

抄完一樣又一樣，連這個也不放過？
抄也算了，也不是第一次，但可否青出於藍？
決定了沒有？
換底版，換RAM..換硬碟..還是換..果個地球？
你準備好(離開)了嗎？還是繼續藍畫面??!!

*由於上圖顏色太肉酸之故，將全部有顏色部份改為黑白！

YouTube Windows Shadow Copy vs Mac OS X Leopard's Time Machine
YouTube Microsoft History


Technorati Tags : CopyCat, Vista

國產iPhone

估死會有....不過估唔到咁快，相信會比iPhone更早推出的 國產iPhone......

原文 連結

Technorati Tags : iPhone, CopyCat, Made In China

Cherry&Walter.

上圖乃靚靚新郎新娘，製作中。(完成品都係留番個驚喜俾佢地)

明明記得有成個星期準備畫俾朋友張結婚畫，點知原來我記錯.....係得兩日，我又失憶?....又係我記錯？大家慣左我記性唔好開始成日屈我.....不過又真係幾嚴重，嚴重到今日食乜夜晚問番我都唔記得....係點都諗唔番....不過咁，兩日對我夠用，兩脇挿刀！一二三，上！
今年特別多人結婚....身邊幾個老友睇怕都差唔多時間爆.... 嗯，不過我近排明白一件事，一個女人有男朋友到三十都未嫁(除非佢唔想)，其實都真係會幾擔心，所以我明點解有咁多人二十幾就開始想嫁...講得黎真係差唔多，我明.....我宜家明。

PS* 貓 唔好咁擔心，希望你大佬早日好番。
老友 心情都開始好轉，一齊拍住上啦。

Flickr, my favorites

除睇Blog,RSS外, Flickr由初初beta開始一直成為我上網食糧之一。
天南地北，你想知想睇除左google,Youtube,digg,要搵相我一定會用flickr..... 試過有次想搵某條街道相都竟能可以搵到，真要多謝有Tag....
唔知幾時我地家用電腦系統會係文件上加入Tag功能..

講番正提，除了搵相，有兩個功能差唔多隔日就會自動自覺去睇下.....
其中一個係你聯絡上朋友/網友 新增相，我通常會加入聯絡者，都離不開有 靚貓靚女靚畫靚設計，除左當中俾面加入的認識朋友外，絕大部份都係影到畫到兩下之人，久而久之就變左日日有更新相簿睇....引得我眼睛不時都去旅行。(有時冇加入的網友原因就係怕自己個相簿變得冇意思。佢放相我逼住睇埋.....可唔可加做朋友又唔使理佢有冇更生呢？)

而令一個就係Add favorite, 真正集圖冊，你儲人，人儲你。
我真係會留意我邊一張畫最多人選做favorite，我認我好無聊.....



可以睇下我個flickrfavorites歡迎同我口味差唔多，可以去睇下架

Technorati Tags : Flickr, abaddon, favorites

Sofia Coppola

兩星期前的一幅 Sofia Coppola，原本放低想再改改，誰知一放放到唔記得畫過.... 近排記性越黎越差，有冇做過，點做都會唔記得....
畫畫同設計好唔同，對住一幅畫好難有力氣改幾次，通常慣例都會改一次，過一日再睇下，設計就可能係慣性要改又可能改有時會變得更好關係，相反會好留力去做。

由 Virgin Suicides 開始就極喜愛的兩人。如果時間許可希望畫埋 Kirsten Dunst，自上年定自己要一個月要畫四張畫，越畫時間返而開始習慣到，畫中人先係難題....睇黎需要先定一個人物表俾自己會更好。

記得Lost in Translation係買美版DVD睇完再等香港上畫再睇，不過感覺其實唔係咁好.... 同朋友好似冇話題，今次 Marie Antoinette 一於等....今個星期18號上畫。

Sofia Coppola

2006 Marie Antoinette
2003 Lost in Translation
1999 The Virgin Suicides
1998 Lick the Star

Technorati Tags : Sofia Coppola, Marie Antoinette, drawing

勁歌今宵

有好幾年冇睇過勁歌金曲頒獎，最近也有留意電視上頒獎宣傳片，或多或少對此頒獎禮有一丁兒點期望，星期五晚夜訓關係決定跟女友安坐家中收看也將是日兩邊朋友約會來電都推掉，節目開始不到十數分鐘便開始對自己的決定後悔了...... 不是只有崔健邦嗎？他是近年難得人見無線醒目仔，講野有point，識執生睇時間，幹嗎加個曾志偉？(上年都有曾先生嗎?) 這是 港姐，獎門人嗎？

難怪近年少有人提起此頒獎禮，也可能只是今年特別差....
我承認我是被宣傳片所吸引，TVB Creative Imaging Team的宣傳片不正是想吸引我們嗎？
無論場景，backdrop，rundown，曾先生的爛gag，一概都奇差不堪。
這是歡樂今宵 紅館版，還是TVB高層只當是一場Show而不是一個音樂頒獎禮.....

其實也不值一談，只是可憐班 VIsual Producer 如其他無線劇集一樣，華麗宣傳片包裝過後，本質跟本沒有改變。嚇走師拉討好不了後生......

*上年收視最差 郭晉安套"情謎家族"定"乜乜家族" 記得宣傳片上同樣係好出色，我一樣睇左一集咁大把....

iPhone

iPhone
等左幾年... 千呼百喚....終於出場.... 雖然仲要多等一年... 點都值.

more Real Product photos at engadget

Technorati Tags : iphone, apple, mac, Steve Job

UndertheInk.

style inspiration by David Downtown.

迷上，一筆都不能多也不能錯。

Technorati Tags : Ink, drawing, David Downtown, art

零六年的最後一日

這一篇正好呼應年頭的第一篇，來為這一年晝上完整的句號。

用 亂不堪言 來形容我今年最貼切。

年頭因為大老闆一個"硬性機會"而拋棄了工作年多的Sooff，沒有反覆思量也沒有可以想太多的情況下去接受這個新衝擊。準備了兩個月後，四月開始在上海工作。事與願違開始了不久便明白當中大大小小的細節和人事問題，當時情況就像是沒有工程師但老闆卻要做"穿梭機"。不是說笑也不要以為這情況不常見，今年我很好運地便遇過兩家要"穿梭機"的公司，最後船也做不來那是後話。到年中便跟老友作好打算前後腳回港，那一刻，記得跟自己說這段時間白白過了..... 回來後不久也離開了Sooff, 神算師父在去上海前曾提及下年頭是奮發個人事業好機會，當初還以為年頭的便正是這個，誰知年中便好夢成空，往後便開始計劃自己的工作，也同時萌起念頭要尋找拍檔認真為事業幹一點成績，是迷信還是應二十年大運，誰曉？當中放棄了好幾個自己心動不已的工作機會，然後拍檔找上了，客戶也一個接一個出現了，工作多了，錯誤也多了，兄弟也反目了，年尾還來一場長達個幾月的大病，好的壞的通通都捱過了.....

好了，夠了。來到今年的最後一天，一切也該有個句號，留下所有不如意的，在今年不帶走，除了那嚇人的預繳稅款......


讓新一年有一個新開始。


感謝 瑗瑗 這一年對我的百般忍讓，我會努力。
天使麥軒，朋友健次，是時候我們發力！
祝願 積及，老斌，老友們 有更好開始！ 明年見

*零六年的第一日 同 最後一日 同時是星期日

Charlotte.

近期喜歡的一張作品。

Let it grow & Let it glow

上個月經個同事介紹後多咗溜連討論區，原來寫Blog以黎我經已有幾年冇去過有關設計討論區，照樣有好多新入行嘅人同問題....諗番起幾年前曾經我地成班都係DesignNewsgroup嘅活躍生事分子，識咗好多好多設計朋友，雖然未必一齊做過同事但好多都變哂同行同事，果感覺好特別。
而家再上去討論區，心境完全唔同哂打字又懶都冇太多野有興趣講同留意，返而好想試下搞啲野為新入行嘅人，係一齊參與唔係下下為錢而做......上圖係為佢地做既一個X'mas Online Project - Let it grow, Let it glow, 好鍾意個名，係女友諗嘅！成件事一提議完就係極忙嘅時間下斷斷續續完成....(通常冇錢嘅都係被逼擺到最後.....明) Server&Programming Support 搵左 SOOFF Mcheen, CSL，佢地都有好多野忙抵下幫手，真係要唔該哂佢地！希望趕得到啦。

*更生 Let it grow & Let it glow 希望大家都會黎玩下。

謝天謝地.... 這兩星期病情開始有明顯好轉，開始全身投入工作。去！

Technorati Tags : Sooff, xmas, designer, forum

sofia

Felix推介佢同事 個好部落格 - JackLee
好俾心機去欣賞jack每張作品，發覺自己原來好少會速寫，可能做設計關係，好多時都會過於雕琢，而草圖為客人易於接受多數用向量圖表達(為此其實一直在避用向量和太雕琢作畫方式，不明謂何向量給我感覺好像越來越呆，做得不好更像個學生作品.....話雖如此我還是很愛雕的)，久而久之我的速寫能力開始荒廢了........避免一畫唔停手，畫細圖，不問好醜以時間為限，二十分鐘....哈哈，結果當然強差人意........反正原本下一張準備畫偶像Sofia Coppola，那先來一個熱身吧!

Technorati Tags : Speed Art, drawing, sofia

LuvShakespeare.

WallpaperVersion.


OriginalVersion.

畫頭髮都用了近半日。期望會畫得好誰知失望更大....
原圖留待遲些再延續，最後，當做張Wallpaper好了。
星期日用完，返回剛位，聖誕將近 .....今個星期還有一大埋工作要完成...一樣好忙.....努力！

CS3

差不多等了半年 ，Adobe 終於都公開 Photoshop CS3 beta version, 雖然不知 CS2.3 去了那裡？相信一般用家也不會太興奮吧..... 但對intel Macs用戶絕對是一件喜事，我們不再受那"疾疾下"的PPC photoshop 和 因運行photoshop CS2而炒illustator CS2 的問題 (直至現在還冇再發作了！) 還好在 intel Core Duo下，這個Intel版本終於有一點爽快的感覺了......

希望Adobe會統一大部份CS3 Product UI，至少 illustrator , flash CS3 也統一這個有進步但還不夠簡潔的UI設計就好了。

Technorati Tags : CS3, Adobe, Photoshop
Adobe Labs Forums Photoshop CS3

Cars

記得大半年前的一部電影 - Cars，因為口碑參半一直冇有意欲入場，我不是動畫迷，也不太喜歡卡通賽車，所以一直也沒有意欲觀看，直至作晚心血來潮到所住屋宛的DVD店租來看..... (除了這DVD店和新開的糖水鋪外，我對附近所有店鋪，食市，會所也沒什興趣..... 可悲的區域!!)

不用我來說，這是不可以錯過的電影，不竟我也錯過了在戲院觀看。

電影比 超人特工隊 娛樂性少了一點但來得有意義，也富教育性很多，邊看便更覺身邊有太多像主角這種人，沒有幾個可信的朋友，有的只是一點不實在的成就，便終日厭惡滿天下，自信可以改變世界。就算你再橫蠻，我們還是雖要有真誠的朋友走這條路的。正如戲中的技術如何精湛，也不及戲裡充滿感動人性的情節來得感動，有人性。

雖然是一部教育小朋友的動畫，但也確實感動了我(....我跟本就是很容易被感動的....)

Technorati Tags : Cars, Pixar, Movie