Tuesday, July 31

港 漫


原作 : 亞罪仔

試作中的一張草圖,正是朋友亞罪仔(還是開始轉稱他筆名)的首部漫畫作品,知道大部份人一聽到係香港人做漫畫都會完全失去信心,認定係港漫冇出路。事實係難,眼見今日香港漫畫真係好無奈,不竟我地同樣睇中華英雄長大... 後一輩更加唔會明白馬榮城為何物。只知DeathNote有幾好,港漫有幾垃圾。不過我相信抱住故事,製作認真一定會有人欣賞。(都係唔好再俾壓力佢)

自從聽亞罪仔有自資出書打算後,公餘時候都約埋傾下,幫手搵人,多事俾意見差兩腳,而家度故事內文寫作的朋友都一一到齊,終於齊腳可以開波。下一步便看他們有幾多火花!而我就繼續左搞右搞做下阿四。出一分力得一分力!

發現自己好喜歡去集幾個志同道合朋友去完成一件事,嘗試過好多次,雖然事敗居多!明白冇名冇利講義氣真係好難成事,不過一有機會我都會嘗試。我從來認為純為做好而不問付出係特別感動同有意義。(我係好戇居)

Wednesday, July 18

SheerVanity - Tee




早幾個月手痕想參加Graniph,不過最終唔滿意出來效果(太唔Graniph),始終唔想放低自己風格倒不如放棄參加....登出黎當留念。

朋友見到話想印製賣街,佢唔介意我當然樂意之至,好過石沈大海....

Technorati Tags : Tee Design, Graniph

Sunday, July 15

練習



如果沒有了那種特別的味道,再畫下去再美也是徒然。
這次我是衝著那種味覺去畫。

討厭過了份的想頭,完全做不到想要,當練習好了!

Tuesday, July 10

Cherry Darling



Dr. Dakota : when you're stuck in that spiral, just reach up.
Cherry : What if there's nothing up there?
Dr. Dakota : Just reach up.

集 暴力美學 打鬥血腥恐怖 屈機無限子彈 絕對白癡加核突意外
而成部戲俾我感覺似當年導演套"From Dusk Till Dawn"似乎未玩夠...而家又再借屍還魂,雖然係咁都絕對係首選,大概由原罪犯,SAW後便染上 完全暴力美學加血腥恐怖,我平時幻想的其實也十分過份,當有人拍出來還比你過份就更興奮....(這方面開始有點像肥良....) Planet Terror 其實只有血腥沒有恐怖,有白癡而沒有暴力... 極抵死missing reels, 玩野之左右腳..娛樂性十足

可憐並沒有兩片齊上,我比較期待塔倫天奴的彭拜式粗口對白,而真正暴力美學我期待導火線

香港遲些會否有戶外電影上這套電影?分開兩套看實在太不爽!


題外話 早前有人問道貴公子有否從事平面設計工作........ 即時令我啞口無言...
我職業主要是平面和網頁設計,嗜好/癖好才是畫畫..... 對於兩者我同樣熱衷,只是沒有一個地方給我動機和畫慾發洩,而除練習,設計並不太應為設計而設計的,所以我選擇了在這裡而已,給人誤會了其實不算什麼也不是太不好受,這也難怪的.... 在這個單面的思想世界,標簽定義是你經常作畫而沒有提及吃飯,你應該是不吃人間煙火的畫家!經常講食的應該很厚肉!你不曾提過有女友,大概應該是基的!

Technorati Tags : Rose McGowan,Planet Terror

Thursday, July 5

鉄 拳



LOGO更生,估計海報應該係非正式版

鉄拳6 發售日 確定 !!!
發售日爲DX 豪華版套裝(448萬日元) 11月,簡裝版(175萬8000日元)11月末,普通版 (59萬8000日元)約12月發售,PS3版預定2008年3月末。

七月七日(後日)將會在東京展開第1次BetaTest

*TK5DR的卡片繼承,新人預定4人,組隊系統
4人!!?? 傳聞係真? 千奇唔好整隻(周光)kunimitsu,Ogre就當新人呀.....睇過新人Leo同Miguel應該會好好玩!
不過30萬港幣一套豪華版,香港都幾難有機會玩得到....

YouTube有新Trailer
更生070707 location test


Technorati Tags : tekken 6

野良っ猫写真日記 , ネコぢルシ

太精采.... 必看推介! 野良っ猫写真日記


ネコぢルシ BLOG



Technorati Tags : cats

Tuesday, July 3

iPhone



近個星期整個RSS bookmark 都係iPhone話題.... 相信出手機最利害都算係蘋果,iPhone 已一周內賣過70萬應該有機成為蘋果歷史Best selling product.... 美國手機市場1個巴先有望啦!

一等再等結果仲係要再等,睇怕都叠埋心水心等下年出亞洲版,睇過網友示範更是非買不可,SimLock,行GSM 850,1900, Online Activation,若果冇Active係所有功能欠奉,其實都好,好過一街都係水貨炒貨,有關人等正努力 Unlock 中,不過相信機會好微.....

題外話,返工搵錢為理想,又有幾多人會以公司為榮?
我諗蘋果員工或者會.... 賈伯斯 在開買iPhone前一天大會送 約二萬蘋果員工,每人一只iPhone,大會尾聲,賈伯斯對員工說:你們將來孫子問起的時候,你們就可以驕傲的說,iPhone 上市開賣的時候,阿公我在蘋果工作喔!這一切的辛苦犧牲,都會有回報的!(好感動....!)

順道一題 CMM 有 大蘋果時代。 聽過頭幾集都幾好,由其Fatbars - FCP UserGroup果集都唔錯。

Thursday, June 21

HANDSHAKE



一向唔多喜觀陏身陏勢,對舞蹈更一竅不通,不過配合音樂同剪接後,所有都變得好美....
幾日都收到UNIQLOCK forward link...( yugop.....真係了得 )日本人宣傳手法越做越到,反觀香港做同類型網頁就最多都係從製作上用心(有都算好了)。不如講下呢個 日本近日都幾多人玩 MSN 部落揮手圈。另類BlogRing,製作倒有心思,無論你係HANDSHAKE去人地個BLOG定係無情情有人爬出黎同你揮下手,其實都幾抵死。去試下加一個放係自己個部落,題題你如果冇人去你個Blog,HANDSHAKE係唔會開個閘,近年mircosoft 對其下產品包裝開始一步一步下苦功了($)。


HANDSHAKE。JP
UNIQLOCK

Technorati Tags : handshake, UNIQLOCK

Saturday, June 16

武藏 草稿



星期六,女友小睡片刻,快手草了 宮本武藏 ,先來草圖,該好好畫的,有時間畫完再放上來!

Thursday, June 14

Steve Jobs


冇太多時間,畫下快畫一樣可以舒懷下.... 想認真畫賈伯斯好耐,不過心諗我似乎唔會太有耐性,所有我最愛原素都一一欠缺,連畫兩筆頭髪都冇....有點唔夠皮。

講番WWDC,蘋果轉型為電子產品廠商後驚喜越黎越少,iMac係因為趕唔切定唔想影響iPhone開買注目度都好,都唔好急住為iPhone鋪路,搞個Safari 3.0,搞到我第一次Uninstall蘋果軟件....... (用開Mac MSN都會發覺安裝Safari後MSN會有臭蟲.....) 相對PC用家,仲(會)用IE用家跟本可以不理,因為佢地唔會轉用Safari,用FireFox又有Plug-in, greasemonkey.... 同樣唔會選擇Safari。除左為iPhone真係諗唔到其他原因要做個兩邊唔討好軟件連帶AAPL都跌唔少。

賈伯斯..... 快點出新iMac啦............ (呢句幫女友講)

Technorati Tags : Steve Jobs

Monday, June 11

三年



這裡一向都不多談起私人生活,不過有一些日子倒值得記念和分享。

不經不覺三年了。
感覺好像比三年更多,來年有更多計劃要認真打算和行動,跟自己說要更 努力和珍惜!

611除了是我們的拍拖記念日也是今年WWDC07,期待已久更仔細Leopard,會場會有beta version發放,雖然還未有耐上市,iPhone,同最大機會出現新第四代iMac,女友終於有望入手了,傳聞使用鋁金屬外殼,會否一同更新內藏iSight的CinemaDisplay?

Sunday, June 3

近況。



近月生活過得好像很充實,連這裡也不常上來,實情又不是所想般忙碌,經已放棄很多雜項時間還是不夠用,可能關近兩星期調整作息時間未慣,工作每每不能集中,總是馬馬虎虎感覺不能將每件事做好,是時候認真想個法子改改,我的狂熱工作情緒那裡去了?停了畫畫近個月.... 手癢非常,草草十數分鐘畫幅自畫像頂頂癮,也當喂努這裡丁屎人流。

認識貴公子本人該會一笑...... 其實背影倒像本人吧.....雖然始終不及女友畫得我像! (不要問謂何身型變得如此苗條....因近半年體弱多病消瘦近二十磅.....)

特別景仰漫畫人,能重覆又重覆畫同一堆人物對我絕對是件苦差。朋友揚 看來真的認真地畫自己的漫畫作品,可喜可賀,看過兩三幅草圖,縱畫慾的我有即時想差一腳的念頭...... 真的不俗,希望他能夠完成整個漫長的嚴厲挑戰!! 如有網友喜歡當漫畫編劇一職,可以找我代為聯絡,朋友正為此而苦惱中。

跟朋友約定一起畫的 浪客行 宫本武藏 還未執筆..... 有人一起畫嗎?

看過 Graniph Design Award 跟想像中結果差不多,貴公子也有製作一款,可惜作品不太理想並沒有記出,已不是第一次這樣又放進大海...

Thursday, May 31

Im a Mac, and Im a PC



All Things Digital 世紀會談
I.T鬼才Walt Mossberg 訪問Steve & Bill,唔算精采又未Update video,不過都值得一睇。
Bill Gates and Steve Jobs Interview

同場有 痴双根Steve Ballmer 訪問,此癲人每次睇佢言行都想一路笑一路想打鑊佢.... 特別係佢果種食錯藥唔停咁洗腦式,洗腦式,洗腦式,洗腦式...... (*最小四次)演說。windows,windows,windows,windows....點解搞成咁,呢條友一定居功不少。 "I have four words to u, steve.... i Hate your company!!!!"

仲有中看不中用 Microsoft Surface,George Lucas interview....

追加 Steve Ballmer,請大家跟住CEO一齊跳一齊叫...
Developers
Ballmer sells windows1.0
Coming....coming....com..


Technorati Tags : SteveJobs, BillGates, WaltMossberg, SteveBallmer

Monday, May 14

走一趟。


趙少昂教授 作品 - 水墨設色紙本

約兩年前左右於沙田文化博物館欣賞過 趙少昂教授 作品後,記憶大概是誕辰百周年展,喜愛水墨的我感覺良多.... 也令我對嶺南畫派,高劍父,高奇峰等認識深了一點。早陣子得知 趙教授學生 胡宇基先生作品展 - 荷塘詩韻 同樣在趙少昂藝術館展出。今日跟好友Jacob談起,診下午尚有時間,二人即時往沙田走一趟。

相對 港式設計展 同 畫展,個人比較喜歡後者。每每欣賞畫展都會有所得著,年資越長作品越見感染力,不論是對畫家本身往績或作品。
而對自己更會洗淨心靈的作用 (形容得可能有點跨張)......
本身工作圍繞網站與商業設計,雖然近來開始多了其他地方邀請寫畫,始終跟畫家的身份實在還相距甚遠,已閒時娛樂心態去作畫,用終身學習的態度去對待,相信是現時最好的方法。

望今年會有多一點時間作手繪作品。

Saturday, May 5

十分。愛



一個非常fancy iTunes Plug-ins。
如果係早期 iTunes 用家都會用過 Visualizer。其實蘋果都係時候廢除呢個過時玩意,再買入BarbarianGroup - Magnetosphere.
就好似早前購入 Coverflow 結合 iTunes一樣。

直接睇片,應該會心動裝黎迷下.......

我迷左幾日,睇完想裝就Click呢道

Magnetosphere - The last iTunes visualizer you will ever want for.

Technorati Tags : iTunes, music, visualizer, Magnetosphere