期待的一首歌。 彩り
不能形容謂何每次也會給 櫻井和壽 的歌詞打動
くるみ,終わりなき旅,1999年、夏、沖縄,しるし 到 彩り
由第一次朋友介紹開始接觸 MR.CHILDERN 到第一次聽 くるみ 而哭了
或許只是我太易被感動....... 也可能くるみ 的歌詞實在太中了
彩り 來自 ap bank fes'06 而未被收錄的歌曲
網上留言聽聞有人在演唱會當場聽到哭,如果我在場又明白歌詞的話,我想我也是其中一個
色彩 . MR.CHILDERN
僅僅只能將被攤在眼前的工作 上手地一件件消化下去
握著咖啡這唯一的相伴
沒關係啊 就算沒有誰给的嘉勉
渺小的自尊仍如勳章般地烙印在心底
在這世上不停繼續著單純般的工作
再為了尚未謀面的人們創造歡欣的笑聲
那樣些微的生存意義讓平常的日子增添了色彩
為黑白色調的我的每一天一點點地描上紅色 黃色 綠色
把如今在這社會或世上的某處發生著諾大般的事情
拿出來暢談高論著
在感覺自以為有點成為高尚人種的夜明清晨後
又再回到原來那個渺小的庶民
理想的憧憬原來如此遙遠地伸長了手也不可及般地
仍黏著便條紙的目錄最後就這樣丟進了垃圾筒
真覺得那渺小的生存意義有時想起來就像是愚蠢般地
慌慌張張地去找尋著嶄新的顏色
就算滲了出來也要加上 金色 銀色 紫色
"我到家了"
"你回來啦"
在這世上繼續著舉無輕重的工作
為了某個角落不知名的人們再創造出更多的歡笑
那樣些微的生存意義讓平常的日子增添了色彩
為黑白色調的我日漸描繪上了藍色 橙色
微不足道的工作不停不停不停不停地繼續
為如今我眼前的人們創造出更多的笑容
那樣真確的生存意義為日常增添了色彩
讓活在黑白色調日子裡的我 雙頰炫染上溫暖的粉紅色
日漸增添著那美麗的色彩
Technorati Tags : MR.CHILDERN, HOME
Sunday, March 18
Keeley Hazell
從大概一年前左右的一期 FHM 100 Sexiest Women開始認識的一位二十歲的英國model Keeley Hazell,認定為女神級(cup),我對她所知的其實不多.... 跟英國人迷倒她的原因一樣來自她幾近乎完美的驅體!! 原意只想畫出她的完美身段........ 可惜集中力不足,實在無法心無旁騖.... 多番修正也畫不好,唯有免為其難留下感覺最好的部份。
如無意外下一幅應該係 Kirsten Dunst....... 嗯,我會認真看待!
Full Name: Keeley Rebecca Hazell
Birth Date: September 18, 1986
Home Town: Bromley, Kent
Measurements: 30E-22-32
Technorati Tags : Keeley Hazell, Drawing, Model
Thursday, March 8
接受還是逆來順受 + 雜談
對於眾多種平面設計中,電影海報設計會是其中比較喜愛的工作之一,分享其中一些電影海報,喜歡的可按上圖。(要多謝天草)
近來因工作關係做了一些關於電影海報設計的相關搜集資料,香港電影市道低迷,內容隨波飄流,每當做定功課對客人提供(persuasive)說服引導例子時,都只能以韓國,日本等外國例子作比較。嘗試跟客人拿外國電影作比較從而偏向某個方向的觀念上定位是很困難,本土的就只能作反面教材,雖不至於嚴重到對牛彈琴,只是商人一般都會跟你說"香港人不會接受"這藉口,好運的我還未遇過,不過誰估到將來?
是我們真的不能接受,還是我們慣於逆來順受?
看看近來的本土電影,音樂,廣告的平面設計,無論再驚嚇要大賣的一樣照賣,什麼双子神偷,美女食神... 這些相信是連送飛也不會貪的小便宜,幾個唔同廣告背景音樂可以來自同一隻歌? 謝安琪的唱片可以貫徹始終的醜,雷生期下歌手的唱片每每更是 鶴立雞群,嚇X死人!
除了罷買罷睇,我們對不接受的事物該用什麼正確方法去表達?
以下的改為雜談好了。
--------------------------------------
由於習慣打好一堆想寫的題目,三番兩次到有時間去整理內容時,周遭通通都寫過了...... 拖到垃圾筒好了,趁墟之事不提也罷。
• 聽人說,愛聽達明的人比較孤獨的,我認同。
• 馬家輝說開心的人喜歡打邊爐,我也是。
• 三月的今天才是第一天有冬天的感覺。我實在不想留在香港生活了.....
• 農曆新年 一個星期病了兩次,頭尾五日,今日又轉天氣,不想再病。
• 成個二月都忙,未有新作,今個月會嘗試追番進度。
• 朋友一向覺得我做事好決絕,其實只係在商言商,得物而無所用不能循循善誘倒不如斬釘截鐵。
• 設計不是搞藝術,不是憑感覺做事。我們做的是傳達有效視覺語言!
• 不懂溝通表達 同 不能做出好作品,這設計人的罪是沒有差別的。
• 當一件事突然好多人講....而大多都係一兩句加一條URL.......返而覺得好悶好厭,例如等了成年朴導演的"新戲"...... 係FWA定電影節效應?
• 奧斯卡 最想提係 an inconvenient truth. 作為生存係地球上每個人都應該認真去睇。
• 史高西斯 終於拿下最佳導演獎 不過遲左十幾年...,朋友覺得係 盜亦有道,我就認為應該係 賭城風雲
• 放一張較少人見過的 無間道+風雲 海報,馬榮成筆下 風雲 都曾經有同樣構圖....
Technorati Tags : movie poster, poster design, departed, an inconvenient truth
Thursday, February 22
乜都譯
自OSX至今都一直用yahoo英漢翻譯同OSX本身OXFORD Dictionaries,早排Jacob介紹用番AtomixDojam OSX版,(此乃當年我地OS9年代之翻譯王道!) 自認文盲,用後依然有感不足。記憶MAC係有軟件可用回其他詞彙,反正database都係用.dict,決心再次查找終於尋回此有趣東西。 TranslateIt! / MDict (記憶所知OS9經已有,只係一直冇用過)
TranslateIt! / MDict : Download
• Intel-based Mac
• 免費
• 介面設計不算好,不過可自設的地方還算多。
• 有History bookmark,個人視為一等有用之物,可用作記下我打過轉頭又唔記得的詞彙。
• 可用回所有 StarDict(Linux)詞典*
*下載StarDict .dict.dz的文件,MAC友請自行改為.dict.gz解壓,double click 後自動install。
唔理係牛津雙解DrEye 日漢法德 消防會計經貿 定 佛光法相一典通俄,乜都譯!正
Technorati Tags : Translate, macsoft
Tuesday, February 20
魔盜王 三
Pirates of the Caribbean 3


發覺美國好多大片都會係五月二十五日上影,魔盜王 二三,星戰都係,有冇人知呢個係乜檔期?
魔盜王 三 成個調子竟然唔跟上兩集,通常發生係仲會有第四五六集身上先會咁, 零零丁丁一集轉哂感覺好唔統一,希望正式出街唔係咁.....
Jack Sparrow 依然咁型仔!.... 周潤發 個張保仔做型就更一流。
Technorati Tags : Pirates of the Caribbean
發覺美國好多大片都會係五月二十五日上影,魔盜王 二三,星戰都係,有冇人知呢個係乜檔期?
魔盜王 三 成個調子竟然唔跟上兩集,通常發生係仲會有第四五六集身上先會咁, 零零丁丁一集轉哂感覺好唔統一,希望正式出街唔係咁.....
Jack Sparrow 依然咁型仔!.... 周潤發 個張保仔做型就更一流。
Technorati Tags : Pirates of the Caribbean
Sunday, February 18
Tekken 6
鉄拳 六 將於今年AOU展出!(留意鐵拳Logo竟然用回第一集...!! )
過住每隔三年一集,對上集距離只有兩年便公報,似乎早了,該不會是為救PS3而提早出場,今日的鉄拳也救不了多少。(美國市場還可以...)
單睇畫面只係PS3化加強版,以namco慣性絕唔會咁簡單,留心睇發現連五官同咀型都有改動!
對兩個新人暫時未有任何感覺,Leo完成度相信更低,風格有點走回日風,係市場因素定轉人設?
鉄拳 令我興奮原因係一向以 功夫加UltraFight 結合,動作仔細,打法夠多,比同期對手VF玩法始終贏一大段。人物關節,浮空時間,PS3對戰系統,mapping..... VF 5就更加令人失望。不竟兩隻鬥了多年的立體格鬥遊戲經已進入低迷期......
望有一日可以見到 鉄拳 x VF 出現。
Tekken 6 有片睇
Technorati Tags : Tekken 6
Tuesday, February 13
Monday, February 12
Sunday, February 11
Thursday, February 1
To be or not to be?
抄完一樣又一樣,連這個也不放過?
抄也算了,也不是第一次,但可否青出於藍?
決定了沒有?
換底版,換RAM..換硬碟..還是換..果個地球?
你準備好(離開)了嗎?還是繼續藍畫面??!!
*由於上圖顏色太肉酸之故,將全部有顏色部份改為黑白!
YouTube Windows Shadow Copy vs Mac OS X Leopard's Time Machine
YouTube Microsoft History
Technorati Tags : CopyCat, Vista
Wednesday, January 31
Cherry&Walter.
上圖乃靚靚新郎新娘,製作中。(完成品都係留番個驚喜俾佢地)
明明記得有成個星期準備畫俾朋友張結婚畫,點知原來我記錯.....係得兩日,我又失憶?....又係我記錯?大家慣左我記性唔好開始成日屈我.....不過又真係幾嚴重,嚴重到今日食乜夜晚問番我都唔記得....係點都諗唔番....不過咁,兩日對我夠用,兩脇挿刀!一二三,上!
今年特別多人結婚....身邊幾個老友睇怕都差唔多時間爆.... 嗯,不過我近排明白一件事,一個女人有男朋友到三十都未嫁(除非佢唔想),其實都真係會幾擔心,所以我明點解有咁多人二十幾就開始想嫁...講得黎真係差唔多,我明.....我宜家明。
PS* 貓 唔好咁擔心,希望你大佬早日好番。
老友 心情都開始好轉,一齊拍住上啦。
Sunday, January 28
Flickr, my favorites
除睇Blog,RSS外, Flickr由初初beta開始一直成為我上網食糧之一。
天南地北,你想知想睇除左google,Youtube,digg,要搵相我一定會用flickr..... 試過有次想搵某條街道相都竟能可以搵到,真要多謝有Tag....
唔知幾時我地家用電腦系統會係文件上加入Tag功能..
講番正提,除了搵相,有兩個功能差唔多隔日就會自動自覺去睇下.....
其中一個係你聯絡上朋友/網友 新增相,我通常會加入聯絡者,都離不開有 靚貓靚女靚畫靚設計,除左當中俾面加入的認識朋友外,絕大部份都係影到畫到兩下之人,久而久之就變左日日有更新相簿睇....引得我眼睛不時都去旅行。(有時冇加入的網友原因就係怕自己個相簿變得冇意思。佢放相我逼住睇埋.....可唔可加做朋友又唔使理佢有冇更生呢?)
而令一個就係Add favorite, 真正集圖冊,你儲人,人儲你。
我真係會留意我邊一張畫最多人選做favorite,我認我好無聊.....

可以睇下我個flickrfavorites歡迎同我口味差唔多,可以去睇下架
Technorati Tags : Flickr, abaddon, favorites
天南地北,你想知想睇除左google,Youtube,digg,要搵相我一定會用flickr..... 試過有次想搵某條街道相都竟能可以搵到,真要多謝有Tag....
唔知幾時我地家用電腦系統會係文件上加入Tag功能..
講番正提,除了搵相,有兩個功能差唔多隔日就會自動自覺去睇下.....
其中一個係你聯絡上朋友/網友 新增相,我通常會加入聯絡者,都離不開有 靚貓靚女靚畫靚設計,除左當中俾面加入的認識朋友外,絕大部份都係影到畫到兩下之人,久而久之就變左日日有更新相簿睇....引得我眼睛不時都去旅行。(有時冇加入的網友原因就係怕自己個相簿變得冇意思。佢放相我逼住睇埋.....可唔可加做朋友又唔使理佢有冇更生呢?)
而令一個就係Add favorite, 真正集圖冊,你儲人,人儲你。
我真係會留意我邊一張畫最多人選做favorite,我認我好無聊.....
可以睇下我個flickrfavorites歡迎同我口味差唔多,可以去睇下架
Technorati Tags : Flickr, abaddon, favorites
Monday, January 15
Sofia Coppola
兩星期前的一幅 Sofia Coppola,原本放低想再改改,誰知一放放到唔記得畫過.... 近排記性越黎越差,有冇做過,點做都會唔記得....
畫畫同設計好唔同,對住一幅畫好難有力氣改幾次,通常慣例都會改一次,過一日再睇下,設計就可能係慣性要改又可能改有時會變得更好關係,相反會好留力去做。
由 Virgin Suicides 開始就極喜愛的兩人。如果時間許可希望畫埋 Kirsten Dunst,自上年定自己要一個月要畫四張畫,越畫時間返而開始習慣到,畫中人先係難題....睇黎需要先定一個人物表俾自己會更好。
記得Lost in Translation係買美版DVD睇完再等香港上畫再睇,不過感覺其實唔係咁好.... 同朋友好似冇話題,今次 Marie Antoinette 一於等....今個星期18號上畫。
Sofia Coppola
2006 Marie Antoinette
2003 Lost in Translation
1999 The Virgin Suicides
1998 Lick the Star
Technorati Tags : Sofia Coppola, Marie Antoinette, drawing
勁歌今宵
有好幾年冇睇過勁歌金曲頒獎,最近也有留意電視上頒獎宣傳片,或多或少對此頒獎禮有一丁兒點期望,星期五晚夜訓關係決定跟女友安坐家中收看也將是日兩邊朋友約會來電都推掉,節目開始不到十數分鐘便開始對自己的決定後悔了...... 不是只有崔健邦嗎?他是近年難得人見無線醒目仔,講野有point,識執生睇時間,幹嗎加個曾志偉?(上年都有曾先生嗎?) 這是 港姐,獎門人嗎?
難怪近年少有人提起此頒獎禮,也可能只是今年特別差....
我承認我是被宣傳片所吸引,TVB Creative Imaging Team的宣傳片不正是想吸引我們嗎?
無論場景,backdrop,rundown,曾先生的爛gag,一概都奇差不堪。
這是歡樂今宵 紅館版,還是TVB高層只當是一場Show而不是一個音樂頒獎禮.....
其實也不值一談,只是可憐班 VIsual Producer 如其他無線劇集一樣,華麗宣傳片包裝過後,本質跟本沒有改變。嚇走師拉討好不了後生......
*上年收視最差 郭晉安套"情謎家族"定"乜乜家族" 記得宣傳片上同樣係好出色,我一樣睇左一集咁大把....
難怪近年少有人提起此頒獎禮,也可能只是今年特別差....
我承認我是被宣傳片所吸引,TVB Creative Imaging Team的宣傳片不正是想吸引我們嗎?
無論場景,backdrop,rundown,曾先生的爛gag,一概都奇差不堪。
這是歡樂今宵 紅館版,還是TVB高層只當是一場Show而不是一個音樂頒獎禮.....
其實也不值一談,只是可憐班 VIsual Producer 如其他無線劇集一樣,華麗宣傳片包裝過後,本質跟本沒有改變。嚇走師拉討好不了後生......
*上年收視最差 郭晉安套"情謎家族"定"乜乜家族" 記得宣傳片上同樣係好出色,我一樣睇左一集咁大把....
Subscribe to:
Posts (Atom)
