Wednesday, September 26

學習 寡言

年年步進入中秋,心情自自然然會變得好複雜。

記得四年前同一日,因同一日出現太多不如意事情而發左自己同一班朋友一次好大脾氣,應該係話我一走了之。我由果次開始明白原來我對好多細尾細眼事情跟其他人"要求"都有好大段距離,意即麻煩友一名。

有些事情不是想像中要求高,說白一點,不過是基本定義。比喻去人家地方吃飯,主人家找來一個不懂廚藝的人做菜款待你,還跟你說味道跟大廚也差不多云云.... 那一刻,我明白主人家不單指不是說笑,原來大家的舌頭構造其實完全不同,更不可能定義什麼是要求,事情開始超越要求問題。

近幾年我慢慢嘗試改變,學習扮溫和,情願你覺得我俗/是但/膚淺,都唔想俾人知自己對一件事要求有幾多 或免俾人誤會事事扮有要求得把口。

對人有要求好易,對自己有要求其實一樣好易,在乎你有冇能力付出,最難其實係對自己有要求同時對人冇要求。我曾經懷疑過呢個道理,但事實對人冇要求或降低要求,不論同事,伙伴,伴侶,都會相處得更容易。我絕對明白當"全公司都稱讚的好老闆/上司一定不會是個好老闆/上司" 這道理。也正如有人人讚你"其實 是個好男人"一樣,不過我確實雖要學習少一點表態,原來表態會令事情變得緊張而更難處理,開始明白中年人大概都慣寡言的道理。

又是一篇 文不對提,本性難移。

Sunday, September 9

仮面ライダー



整個月在忙公事,無暇畫畫.....
正好有藉口隨筆試畫.....

......努力想著如何令女生也會喜愛我畫的仮面。

Technorati Tags : 仮面ライダー, Rider

Wednesday, August 15

Tee



前兩篇朋友提議將原本石沈大海的作品印製賣街,朋友收到訂單,同網友反應出乎意外好.... 也收到不少電郵問相關事情。
講真,實在受寵若驚。係道,點老土都要講句"多謝"!!

同朋友相談過後,決定做一個糸列而風格延續最初 SheerVanity - collage,齊齊整整做夠六幅(情商埋 J先生幫手兩幅,嘿嘿,佢應該仲磨緊!!)
而加埋原本果張共四款今個月內會印起。大部份人會問邊到有得賣?好可惜,朋友係上海工作,每款接一定訂單賣出口就唔印,而香港又冇通路(除左網上,我地仲搵緊辦法),所以呢批唯有當試作,賺個本等下一批可以做得更好!還好每款會記一部份作為我致送親朋( ! )。如果有剩我會記俾大家!

*多謝女友幫手寫Tag-line。好喜歡佢用字又捉到我口味 ( 佢經常笑我文筆唔通順!!!係....我認! )

Technorati Tags : tee design

Wednesday, August 8

imac 。更生



見大家似乎有興趣講講,我也來寫一下

有睇開呢道o既朋友都知貴公子係Mac友,雖然未至於狂熱,不過偏私就一定有。蘋果產品今日經已唔係高檔產物,相對十多年前買一台低級 IIVX(我的第一台蘋果!)要三至四萬到今日經濟走大眾化萬五蚊可以落樓,真係天壤之別!雖然冇認真諗過大眾化後好壞與否,不過始終蘋果增加用戶就一定對用家有正面影響。以前買機都必定要選擇最高型號(如 950, 8600, ..到G5) 除做剪接動畫外,到今日普遍從事設計朋友不論初學到專業都可以以iMac為商用型號(以前的iMac是學生專用機),其實應該多謝intel。

很傻的賣花讚花,總認為蘋果人懂得欣賞美好和較細心事物,做事也多一點要求(這相信是因為過往接觸太多I.T同睇得太多蘋果廣告!!!),當然有要求不代表是好,也正如一樣有人用蘋果用得很笨的!

回正題,從今次發表會所見,驚喜確實少了,也可能因為估計太多,消息也太多,連最欣賞的無線鍵盤都一早被公開過。反而對蘋果和Steve Job背後的心思熟慮和誠意更為欣賞。大約記得年頭左右綠色蘋果咬著彩色蘋果關於環保問題,Steve 誠諾今年會全面追上環保要求,意即iMac/ipod首當其衝,捨棄所有已塑膠作材料,自己老早對今次系列更生更期待和多兩分麻木支持。

而設計上,唔知大家覺唔覺,驟眼看iMac感覺想走回70s,其實連iphone都有同樣感覺,說得跨張點是 Steve 的70s Braun情意結同 Jonathan Ive 時代感結合,野心地做一系列經典電子產品。而除外殼更生,有一件貴公子特別喜歡和一件失望,前者是無線鍵盤,後者為遙控器。有用過MacBookPro的朋友相信對走回按 iMac 鍵盤是十分不習慣 (雖然比一般PC鍵盤經已好上百倍),而iMac鍵盤難打理更是令一頭痛問題。而我工作習性是wacom跟鍵盤型影不離,將兩者是 上鍵盤 下wacom,放在一起經已比我手臂更長,連埋書桌距離我中指剛好按到F1,esc....兩邊用是很累! 嘗試過疊起他們,但因蘋果鍵盤應該計算過手指力度和方向,不放平是按得不爽,也試疊了一半在wacom上工作一般日子,從此我那蘋果鍵盤被按壞了,放平按也會放出不正常聲響.......

看過新鍵盤後,相信有望解決我的問題,最低限度也可以疊在wacom上。
而無線那款更是非常合適。當然最緊要的還是那個跟MacBookPro一樣的貼面鍵盤!唯一缺點是價錢較貴,美金$79.00,訂貨還要等上三星期。而另一令人失望是遙控器吧,蘋果全線都棄白轉銀,唯獨 滑鼠與遙控依然故我..... 繼續白雪雪,真說不過。

其實整體只算得上是減價換殼,硬件上升格就只有extreme有驚喜,似乎還是等11月 Leopard 再來大升級,而上年度美國蘋果用戶急升5.6%,所以減價換殼也是正確策略。

*另一半也決定入手iMac了,終於正式加入蘋果家庭,雖然工作上一直用蘋果,不過跟自己擁有的第一台蘋果感覺是不同的!而她最開心的相信其一是夜晚回家可以一起 iChat,還要我在家裡開夜時開著iChat看她熟睡(!!)


今次寫多了.....就此收筆。

Steve said: "Goal is to make the best PC in the world, and make something we can recommend to family in friends. There is some stuff in our industry we wouldn't be proud to ship. We can't ship junk. Thresholds we just can't cross. But we want to make the best personal computers in the industry. Our products are usually not premium priced. Price our competitors' computers, and add in all the extras, we're competitive. We don't offer stripped down products. We compare favorably.

Technorati Tags : imac

Monday, August 6

練習 。 Angela Baby



Angela Baby

明明叫自己畫完 Megan Fox 同 宮本武藏 先好再開新畫 (係.....我仲未畫完宮本武藏!)
一早就諗左Angela Baby大概構圖,所以就試下搵張淡妝相 (Baby又係百變樣) 畫下五官熱身,只係隨手開Painter練習下,點知畫到停唔到手..... 平時畫畫主力用Photoshop而用Painter只係作輔助工作,今次反轉,大部份運用Painter完全因為近排迷上Craig Mullins,套用 Craig 畫法修煉,有好幾年冇留意 Craig,依然利害。好欣賞佢手畫,印像而並唔需要跨張表達去保留像真,經常有留意到特別係畫女性半身/大頭 通常都會遇到畫出黎效果有種 土氣 !!無論自己定其他朋友作品都擺脫唔到以上問題,可能只係個人感覺,而畫女性控制上比較難用重筆觸,通常都慣常用高對比來避重就輕,反而Craig就可以好隨意大膽去運用筆觸...... 反覆練習,顧得筆觸又顧唔到整體感覺,雖然仲係掌握得唔好,不過總叫行多一步。

下一張經已定好人物構圖再下一城!月尾登場!

----------------------------------------------

大半年健康都處於偏差,集中力大降,大費周章都做唔到自己要求。
不過今個月病魔似乎肯慢慢遠離我,狀態明顯回勇!我係時候發力!

*仲想講下 導火綫 同 Ratatouille,不過,都係留番下次..........

Technorati Tags : Angela Baby,Craig Mullins

Tuesday, July 31

港 漫


原作 : 亞罪仔

試作中的一張草圖,正是朋友亞罪仔(還是開始轉稱他筆名)的首部漫畫作品,知道大部份人一聽到係香港人做漫畫都會完全失去信心,認定係港漫冇出路。事實係難,眼見今日香港漫畫真係好無奈,不竟我地同樣睇中華英雄長大... 後一輩更加唔會明白馬榮城為何物。只知DeathNote有幾好,港漫有幾垃圾。不過我相信抱住故事,製作認真一定會有人欣賞。(都係唔好再俾壓力佢)

自從聽亞罪仔有自資出書打算後,公餘時候都約埋傾下,幫手搵人,多事俾意見差兩腳,而家度故事內文寫作的朋友都一一到齊,終於齊腳可以開波。下一步便看他們有幾多火花!而我就繼續左搞右搞做下阿四。出一分力得一分力!

發現自己好喜歡去集幾個志同道合朋友去完成一件事,嘗試過好多次,雖然事敗居多!明白冇名冇利講義氣真係好難成事,不過一有機會我都會嘗試。我從來認為純為做好而不問付出係特別感動同有意義。(我係好戇居)

Wednesday, July 18

SheerVanity - Tee




早幾個月手痕想參加Graniph,不過最終唔滿意出來效果(太唔Graniph),始終唔想放低自己風格倒不如放棄參加....登出黎當留念。

朋友見到話想印製賣街,佢唔介意我當然樂意之至,好過石沈大海....

Technorati Tags : Tee Design, Graniph

Sunday, July 15

練習



如果沒有了那種特別的味道,再畫下去再美也是徒然。
這次我是衝著那種味覺去畫。

討厭過了份的想頭,完全做不到想要,當練習好了!

Tuesday, July 10

Cherry Darling



Dr. Dakota : when you're stuck in that spiral, just reach up.
Cherry : What if there's nothing up there?
Dr. Dakota : Just reach up.

集 暴力美學 打鬥血腥恐怖 屈機無限子彈 絕對白癡加核突意外
而成部戲俾我感覺似當年導演套"From Dusk Till Dawn"似乎未玩夠...而家又再借屍還魂,雖然係咁都絕對係首選,大概由原罪犯,SAW後便染上 完全暴力美學加血腥恐怖,我平時幻想的其實也十分過份,當有人拍出來還比你過份就更興奮....(這方面開始有點像肥良....) Planet Terror 其實只有血腥沒有恐怖,有白癡而沒有暴力... 極抵死missing reels, 玩野之左右腳..娛樂性十足

可憐並沒有兩片齊上,我比較期待塔倫天奴的彭拜式粗口對白,而真正暴力美學我期待導火線

香港遲些會否有戶外電影上這套電影?分開兩套看實在太不爽!


題外話 早前有人問道貴公子有否從事平面設計工作........ 即時令我啞口無言...
我職業主要是平面和網頁設計,嗜好/癖好才是畫畫..... 對於兩者我同樣熱衷,只是沒有一個地方給我動機和畫慾發洩,而除練習,設計並不太應為設計而設計的,所以我選擇了在這裡而已,給人誤會了其實不算什麼也不是太不好受,這也難怪的.... 在這個單面的思想世界,標簽定義是你經常作畫而沒有提及吃飯,你應該是不吃人間煙火的畫家!經常講食的應該很厚肉!你不曾提過有女友,大概應該是基的!

Technorati Tags : Rose McGowan,Planet Terror

Thursday, July 5

鉄 拳



LOGO更生,估計海報應該係非正式版

鉄拳6 發售日 確定 !!!
發售日爲DX 豪華版套裝(448萬日元) 11月,簡裝版(175萬8000日元)11月末,普通版 (59萬8000日元)約12月發售,PS3版預定2008年3月末。

七月七日(後日)將會在東京展開第1次BetaTest

*TK5DR的卡片繼承,新人預定4人,組隊系統
4人!!?? 傳聞係真? 千奇唔好整隻(周光)kunimitsu,Ogre就當新人呀.....睇過新人Leo同Miguel應該會好好玩!
不過30萬港幣一套豪華版,香港都幾難有機會玩得到....

YouTube有新Trailer
更生070707 location test


Technorati Tags : tekken 6

野良っ猫写真日記 , ネコぢルシ

太精采.... 必看推介! 野良っ猫写真日記


ネコぢルシ BLOG



Technorati Tags : cats

Tuesday, July 3

iPhone



近個星期整個RSS bookmark 都係iPhone話題.... 相信出手機最利害都算係蘋果,iPhone 已一周內賣過70萬應該有機成為蘋果歷史Best selling product.... 美國手機市場1個巴先有望啦!

一等再等結果仲係要再等,睇怕都叠埋心水心等下年出亞洲版,睇過網友示範更是非買不可,SimLock,行GSM 850,1900, Online Activation,若果冇Active係所有功能欠奉,其實都好,好過一街都係水貨炒貨,有關人等正努力 Unlock 中,不過相信機會好微.....

題外話,返工搵錢為理想,又有幾多人會以公司為榮?
我諗蘋果員工或者會.... 賈伯斯 在開買iPhone前一天大會送 約二萬蘋果員工,每人一只iPhone,大會尾聲,賈伯斯對員工說:你們將來孫子問起的時候,你們就可以驕傲的說,iPhone 上市開賣的時候,阿公我在蘋果工作喔!這一切的辛苦犧牲,都會有回報的!(好感動....!)

順道一題 CMM 有 大蘋果時代。 聽過頭幾集都幾好,由其Fatbars - FCP UserGroup果集都唔錯。

Thursday, June 21

HANDSHAKE



一向唔多喜觀陏身陏勢,對舞蹈更一竅不通,不過配合音樂同剪接後,所有都變得好美....
幾日都收到UNIQLOCK forward link...( yugop.....真係了得 )日本人宣傳手法越做越到,反觀香港做同類型網頁就最多都係從製作上用心(有都算好了)。不如講下呢個 日本近日都幾多人玩 MSN 部落揮手圈。另類BlogRing,製作倒有心思,無論你係HANDSHAKE去人地個BLOG定係無情情有人爬出黎同你揮下手,其實都幾抵死。去試下加一個放係自己個部落,題題你如果冇人去你個Blog,HANDSHAKE係唔會開個閘,近年mircosoft 對其下產品包裝開始一步一步下苦功了($)。


HANDSHAKE。JP
UNIQLOCK

Technorati Tags : handshake, UNIQLOCK

Saturday, June 16

武藏 草稿



星期六,女友小睡片刻,快手草了 宮本武藏 ,先來草圖,該好好畫的,有時間畫完再放上來!

Thursday, June 14

Steve Jobs


冇太多時間,畫下快畫一樣可以舒懷下.... 想認真畫賈伯斯好耐,不過心諗我似乎唔會太有耐性,所有我最愛原素都一一欠缺,連畫兩筆頭髪都冇....有點唔夠皮。

講番WWDC,蘋果轉型為電子產品廠商後驚喜越黎越少,iMac係因為趕唔切定唔想影響iPhone開買注目度都好,都唔好急住為iPhone鋪路,搞個Safari 3.0,搞到我第一次Uninstall蘋果軟件....... (用開Mac MSN都會發覺安裝Safari後MSN會有臭蟲.....) 相對PC用家,仲(會)用IE用家跟本可以不理,因為佢地唔會轉用Safari,用FireFox又有Plug-in, greasemonkey.... 同樣唔會選擇Safari。除左為iPhone真係諗唔到其他原因要做個兩邊唔討好軟件連帶AAPL都跌唔少。

賈伯斯..... 快點出新iMac啦............ (呢句幫女友講)

Technorati Tags : Steve Jobs