厭

唔知由邊到講起....近排完全係失魂落魄，屋企唔想番，工唔番....煙食半支就唔想食...野唔想做，朋友唔想搵/理，錢同女朋友都係..... 覺得完全進入隱藏mode。如果我仲有同你msn,icq......都算係咁.
係年紀大內分泌失調，土星移動影響天秤座定係乜野令自己搞成咁？

老斌一句理想去咗邊？當場唔識答....
乜.... 家下你睇我個樣仲似有理想可言咩？而家我就正正做緊我以前最睇唔起果種"返工最好準時收工，冇大錯就等如要慶功，最緊要係湊女"......

喂，原先黎呢到係想狠狠地幹一鑊，唔係咁㗎喎...
呢道其實有幾個都好踢得下，但係就偏偏冇teamwork... 依家我返工唔係想聽八婆是非，唔想知邊個肥邊個醜...邊個畫得慢，做得好唔好唔通我唔知？黎返工唔係黎溝女，唔掂未見定人据左佢囉.....公司人經已唔多都仲可以有幾個全日唔使做，同埋記住你係pass唔到任何task俾佢，影響士氣..做到冇癮。

阿be黎到可以同佢由頭做好成個flow，係由marketing aim, creation 開始到siteDesign到program production。好老實，我真係等佢黎一齊同埋programmer拍住上。好想番去以前咁，開通係開心.... 呢道可以玩同試仲有好多而唔係只有game。絕對有信心唔要做到she.com果隻九萬個客都仲要日日捱仲要嫌煩嫌呢樣果樣，無聊時開會又開會....brain咩storm，基本上佢地開完會就好似做完咁。真係火到黎埋......

*唔好同我講收下火，就係因為冇哂火搞到成個人冇哂幹勁！