零六年的第一日

剩餘兩個月，就要開始人生令一個冒險旅程...

原先訂好今年搞好Sooff V3計畫突變泡影，感覺就好似睇緊戲睇到就高潮時黎個反高潮一下cut走跳到幾十年後一樣。
餘下兩個月，上星期才跟女友見家長，仲未計要準備搬屋大小事情，搵人，過年前後要上去見人，請人，呢個星期經已開始要幫手度Planning....特首繼任年期五變二......大家抱著對我只能做份傀儡政改一樣...的心情. 其實 心情真不好過
振作，為有盡力做好本來想法就是了。

我的工作好像有一種命中註定一樣，天生工作命，每四五年就會一大變
由入行第一份4A's，雜誌，網絡，剛好網絡生涯又到四,五年了...也是工作了十二多年的今日
今日終於走到呢道，記得自己年少早在第一次當上art director時，覺得實在太好玩了，才不過二十三，心想世界是這麼易行，由早到晚都在工作，未過三十，怕且都會做個A.CD吧... 這個盼望真的在我二十七,八歲那年實現了。
還好記得那間公司給我很好的閱歷同體驗，吹水既人比工作多，成百人一間做web media production公司，creative同事竟然比做web design同事仲要多，開親會就十幾二十人開會....傾唔係傾direction目光短完全唔知自己件product vision.....好唔喜歡呢種感覺，個個係搵位上野就唔做廢柴當道，三個月左右，我都同一班手足過檔，間公司都捱多三幾個月都收埋皮...... 我那時才發覺我未夠班食creative口飯，至少我未可以令老闆俾我行我要行既路，同時並放唔低design. 直至而家我都冇再係我張namecard上出現過creative呢隻字......

面前新衝擊係同當日遇到的情形不相伯仲，廢柴當道，今次同樣係同老死大爺斌再黎一次，人物一樣，分別係五年後。
就好似係要我地再演一次一樣。
地點𨍭戰到上海，我再一次掛上creative之名。

我早說過我倆種會再來並肩再戰吧。


**ps 希望瑗瑗都不要太擔心了。