Angela Baby
明明叫自己畫完 Megan Fox 同 宮本武藏 先好再開新畫 (係.....我仲未畫完宮本武藏！)
一早就諗左Angela Baby大概構圖，所以就試下搵張淡妝相 (Baby又係百變樣) 畫下五官熱身，只係隨手開Painter練習下，點知畫到停唔到手..... 平時畫畫主力用Photoshop而用Painter只係作輔助工作，今次反轉，大部份運用Painter完全因為近排迷上Craig Mullins，套用 Craig 畫法修煉，有好幾年冇留意 Craig，依然利害。好欣賞佢手畫，印像而並唔需要跨張表達去保留像真，經常有留意到特別係畫女性半身/大頭 通常都會遇到畫出黎效果有種 土氣 !！無論自己定其他朋友作品都擺脫唔到以上問題，可能只係個人感覺，而畫女性控制上比較難用重筆觸，通常都慣常用高對比來避重就輕，反而Craig就可以好隨意大膽去運用筆觸...... 反覆練習，顧得筆觸又顧唔到整體感覺，雖然仲係掌握得唔好，不過總叫行多一步。
下一張經已定好人物構圖再下一城！月尾登場！
----------------------------------------------
大半年健康都處於偏差，集中力大降，大費周章都做唔到自己要求。
不過今個月病魔似乎肯慢慢遠離我，狀態明顯回勇！我係時候發力！
*仲想講下 導火綫 同 Ratatouille，不過，都係留番下次..........
Technorati Tags : Angela Baby，Craig Mullins
Posts
7 comments:
狀態明顯回勇?~~~~~嘻嘻
死佬！
今次面相D筆觸有別過往,希望keep住見多D,之前D畫全部一眼就認得出係你,你呢幅係已真實既繪畫技巧去上?定係純用電腦繪畫技巧既方式去上?個人感覺,用色,筆觸,夾雜咗一D外國懷舊一D既畫風,但又帶有電腦繪畫既現代感,可喜可賀,都係嗰句,幾時得閒,搞個on居仔作畫討論大會,比D高手過招,新手送死XDXD,都可能ok好玩~
神技唖~ 犀利！
So cute :)
beautiful!
如果對眼低返少少會唔會好d
恩！！神技唖~ 犀利！
Post a Comment